Nutricionisti 70 vjeçar: Kujdes mishin dhe peshkun në dasma se helmoheni

Nutricionisti Ylli Gramatiku tha se për të shmangur helmimet nga ushqimi, duhet të kemi shumë kujdes sidomos me produktet shtazore.

I ftuar në “Good Morning Albanians” në Euronews ai tha se duhet të kemi kujdes sidomos me ushqimet që qëndrojnë gjatë, si për shembull në dasma, ku ushqimet gatuhen shumë orë para konsumimit.

“Duhet të kemi kujdes nga të gjitha produktet shtazore. Kur mishi dhe peshku është i ndenjur, sidomos në ambientet e dasmave, kur ushqimi rri për një kohë të gjatë, duhet të kemi kujdes.

Se në dasma në përgjithësi, ushqimi gatuhet më parë dhe ruhet për një kohë të gjatë në kuzhinat e tyre të nxehta. Pas disa orësh ushqimi kontaminohet komplet dhe jep efekte në ata që e konsumojnë”, -tha Ylli Gramatiku.

LEXONI GJITHASHTU:

• “Të vjella, dhimbje stomaku, marramendje”, mjeku tregon shenjat që jeni helmuar…
• Çmimet në treg po stabilizohen, ushqimet dhe argëtimi të shtrenjta