Nutricionistja: Jo dieta drastike për të humbur kilogramët e festave

Nutricionistja Hyrida Basha bëri thirrje që të mos mbahen dieta drastike pas festave me qëllim humbjen e peshës.

Ajo sqaroi për “Good morning Albanians” në Euronews Albania se me shtimin e konsumit të ushqimeve tradicionale që kemi nëpër tryeza me rastin e festave të fundvitit mund të marrim deri në 3 kilogramë, ku pjesa më e madhe është ujë.

“E shijova festën, e piva edhe një gotë verë, e hëngra dhe një ëmbëlsirë, e hëngra dhe gjelin e detit dhe të gjitha, por kjo nuk më bëri të shtoj në peshë sepse regjimi im i përditshëm është ndryshe,” – u shpreh Basha.

Nutricionistja shtoi se janë rreth 60 ditë në vit ato ku ne festojmë dhe mund ta teprojmë me ushqimin, por nuk janë ato që përcaktojnë kilogramët e tepërt.

Sipas saj është forma se si balancojmë dietën gjatë gjithë vitit ajo që bën një trup të shëndetshëm.

LEXONI GJITHASHTU:

• Viti i Ri i gjeti larg familjeve, Begaj bisedë telefonike me perfaqësuesit e FA-ve
• Eksperti i industrisë ushqimore: ‘Dieta e Luanit’ të bën mirë për trurin