Një 39-vjeçar, identifikuar si Gentjan Kërçuku, është arrestuar nga Policia e Durrësit pas një incidenti ku ai kanosi punonjësit e Policisë Bashkiake me një armë sportive, tip pistoletë. Shtetasi Kërçuku, gjatë një konflikti për motive të dobëta, u prezantua si oficer i strukturave ligjzbatuese dhe kërcënoi me armë efektivët bashkiakë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

“Specialistët për Hetimin e Krimeve të Komisariatit Durrës arrestuan në flagrancë shtetasin G. K., 39 vjeç, banues në Tiranë, pasi gjatë një konflikti për motive të dobëta, ka kanosur me armë sportive pistoletë, punonjësit e Policisë Bashkiake, duke u prezantuar si punonjës i strukturave ligjzbatuese”, njofton policia.

LEXONI GJITHASHTU:

• Mori përpara me makinë efektivin, arrestohet i riu! Si ndodhi incidenti në Fresk
• 19-vjeçari shqiptar humb jetën në një aksident të rëndë në Itali