Agjencia e Mbikëqyrjes Policore (Rajoni Vlorë – Gjirokastër) ka ekzekutuar masën e sigurimit personal “Pezullim i ushtrimit të një detyre a shërbimi publik” ndaj punonjësit Siri Kacaboni me detyrë trupë shërbimi në Sektorin e zbatimit të masave plotësuese për kontrollin e territorit në Drejtorinë Vendore të Kufirit dhe Migracionit Gjirokastër.

Efektivi i policisë dyshohet për veprën penale “Shpërdorim i detyrës”.

AMP bën me dije se caktimi i masës së sigurisë u bë i mundur pas kallëzimit të shtetases J.L., mjeke në spitalin “Omer Nishani” Gjirokastër, lidhur me ngjarjen e datës 25.10.2024, ku ky punonjës policie ka nxjerrë armën e shërbimit gjatë një vizite mjekësore.

LEXONI GJITHASHTU:

• Dogjani për masakrën në Shkodër: Policia dështoi, dëshmitarët kanë frikë të flasin
• Ishte shpallur në kërkim nga Policia e Kosovës, vetëdorëzohet reperi Stresi