OBSH: Rritet prevalenca e anemisë, 40% e fëmijëve të prekur

Prevalenca e anemisë në nivel global ka ardhur në rritje në 10 vitet e fundit. Ekspertët e shëndetësisë botërore e cilësojnë aneminë një problem të rëndësishëm shëndetësor, që prek kryesisht fëmijët e vegjël, vajzat dhe gratë që në moshë riprodhimi si dhe shtatzënat dhe nënat pas lindjes.

Anemia ndikon në performancën shkollore për fëmijët  dhe produktivitetin në jetën e të rriturve, duke sjellë humbje ekonomike.

Të dhënat tregojnë se 40% e fëmijëve nën 5 vjec janë të prekur nga anemia, ndërkohë që shifra tek gratë e moshës 15–49 vjeç  është rritur nga 27.6%  që ishte në 2012 në 30.7% në 2023.

Tek gratë shtatzëna në nivel global, prevalenca  e anemisë është  35.5%

Tendencat rajonale në prevalencën e anemisë te gratë 15–49 vjeç tregojnë një rritje të lehtë në të gjitha rajonet e OBSH-së që nga viti 2012, përveç Rajonit të Paqësorit Perëndimor, ku ajo ka mbetur e pandryshuar.  

Rajoni i Azisë Juglindore ka shfaqur nivelet më të larta të anemisë që nga viti 2000, me pothuajse gjysmën e grave moshës 15–49 vjeç te prekura prej saj.

LEXONI GJITHASHTU:

• Sulm me thikë në Holandë, disa të plagosur mes tyre edhe një oficer policie
• RMV pritet të nënshkruajë marrëveshje partneriteti strategjik me Britaninë