OKB mirëpret planet për një raund të ri bisedimesh Rusi-Ukrainë

Organizata e Kombeve të Bashkuara kanë shprehur mbështetje për çdo përpjekje që mund të çojë në përfundimin e konfliktit në Ukrainë, në përputhje me të drejtën ndërkombëtare dhe Kartën e OKB-së.

Zëdhënësi i sekretarit të përgjithshëm të OKB-së, Stephane Dujarric, ka theksuar se organizata mirëpret çdo iniciativë që synon zgjidhjen e krizës dhe ka nënvizuar rëndësinë e përpjekjeve diplomatike.

Dujarric komentoi planet për raundin e dytë të bisedimeve mes Rusisë dhe Ukrainës, të cilat do të mbahen në Stamboll më 2 qershor, duke shfaqur optimizëm për mundësinë e një përfundimi të paqes. Ai tha se ende nuk ka informacion nëse përfaqësues të OKB-së do të marrin pjesë në këtë raund bisedimesh.

Në një zhvillim tjetër, Ministri i Jashtëm rus Sergey Lavrov njoftoi se një delegacion i kryesuar nga ndihmësi presidencial Vladimir Medinsky do të udhëtojë në Stamboll për të paraqitur një memorandum mbi shkaqet rrënjësore të krizës dhe masat për eliminimin e saj.

Më herët gjatë muajit, Rusia dhe Ukraina zhvilluan një raund të parë bisedimesh në Turqi më 16 maj, ku palët ranë dakord për shkëmbimin e 1,000 të burgosurve secila dhe për të shqyrtuar mundësinë e një armëpushimi të mundshëm. Ndihmësi i presidentit rus, Vladimir Medinsky, deklaroi se Rusia ishte e kënaqur me rezultatet e takimit, ndërkohë që Ukraina ka kërkuar bisedime direkte midis udhëheqësve të dy vendeve, kërkesë që Rusia ka thënë se do ta marrë “nën konsultim”.

LEXONI GJITHASHTU:

• “Mijëra vullnetarë…”, Medvedev: Rusia duhet të forcojë shërbimin ushtarak
• Lavrov: Rusia i ofron Ukrainës takim në Stamboll më 2 qershor