Operacioni “Reagimi” në Durrës, arrestohet 26-vjeçari për vjedhje automjeti

Policia e Durrësit ka finalizuar me sukses operacionin policor të koduar “Reagimi”, duke arrestuar në flagrancë një 26-vjeçar nga Erseka, i cili vodhi një automjet në lagjen nr. 13 të qytetit.

Falë reagimit të shpejtë dhe veprimeve intensive hetimore, automjeti i vjedhur u lokalizua dhe u sekuestrua si provë materiale.

Ngjarja ndodhi gjatë orëve të para të mëngjesit, ndërsa automjeti ishte në pronësi të një personi me iniciale E. F. I dyshuari me iniciale P. H., u arrestua nga Specialistët për Hetimin e Krimeve të Policisë Plazh.

Materialet procedurale i janë referuar Prokurorisë pranë Gjykatës së Shkallës së Parë në Durrës për veprime të mëtejshme.

LEXONI GJITHASHTU:

• Tentuan të korruptojnë policinë rrugore, procedohen penalisht 3 persona në Durrës
• Shisnin kanabis nëpër qytet arrestohet 24-vjeçari në Durrës, nën hetim miku i tij