Opozitari i RMV: Për herë të parë jemi të bashkuar, krerët e BDI do shkojnë në burg

Billal Kasami nga “Lidhja Europiane për Ndryshim” në RMV tha në një intervistë për Euronews Albania se BDI asnjëherë nuk ka marrë shumicën e votave nga shqiptarët në RMV por ka përfituar nga përçarja e opozitës.

Kasami u shpreh se për herë të parë partitë opozitare në RMV janë të bashkuara në një listë dhe kjo sipas tij i ka futur frikën BDI.

“Ata po e shkelin ligjin me dy këmbë në pamundësi që anëtari i KQZ të jetë përfaqësues i opozitës, BDI frikësohet se do i humbë zgjedhjet se janë të zhytur në korrupsion dhe pasi të humbin zgjedhjet i pret burgu. Nuk mund të jenë ndryshe Talat Xhaferi  kryeministër nga Talat Xhaferi spiker, një person i kontestuar nga opozita shqiptare. Opozita shqiptare është e papërfaqësuar në qeverinë teknike dhe në Komisionin Qendror të Zgjedhjeve”, tha ai.

LEXONI GJITHASHTU:

• Votohet qeveria teknike e drejtuar nga kryeministri shqiptar Talat Xhaferi
• Basha uron Talat Xhaferin: Shqiptarët rol konstruktiv ndaj vlerave euroatlantike