Pacienti nuk e mbyllte dot plotësisht njërin sy, mjeku bën ndërhyrjen e rrallë

Një ndërhyrje e rrallë është bërë në QSUT nga mjeku Artur Xhumari. Sëmundja në fjalë quhet “konflikt neurovaskular“.

Një arterie e trurit shkakton dëmtim të nervit pasi e shtyp. Shumica e të sëmurëve kanë një arterie të vogël që prek nervin e ndjeshmërisë së fytyrës (nervi trigeminal) dhe shkakton sëmundjen e neuralgjisë trigeminale.

Artur Xhumari, shef i shërbimit të neurokirurgjisë në QSUT tha në një intervistë për “Good morning Albanians” në Euronews Albania se rasti në fjalë ishte shtypur nga një arterie e madhe, jo nga një e vogël siç ndodh zakonisht tek të sëmurët.

“Sa herë që rrihte zemra binte mbi nerv. E ka duruar një farë kohe, por pastaj nervi fillon edhe dëmtohet,” – u shpreh mjeku.

LEXONI GJITHASHTU:

• Xhumari: 5-6 operacione me pacientë zgjuar janë bërë gjithsej në Shqipëri
• Nxënësja me të gjitha 10-ta: Dua të bëhem mjeke dhe të flas shqip me pacientët e mi