“Pagesat në Shqipëri do të bëhen pa para cash”, Rama tregon synimin e qeverisë

Duke folur në takimin me përfaqësues të teknologjisë që u zhvillua në Berat, kryeministri Edi Rama tha se Qeveria Shqiptare synon që në fund të dekadës, vendi ynë të mos përdorë më para cash, por transaksionet financiare të jenë të gjitha digjitale.

Rama tha se për ta realizuar këtë ambicie do të duhet një sforco e madhe dhe shumë sensibilizim.

“Kemi një ambicie tjetër që deri në fund të kësaj dekade Shqipëria të jetë ‘cashless’, pra që të gjithë ndërveprimet dhe të gjitha transaksionet financiare të jenë digjitale. Për këtë na duhet një sforco e madhe, na duhet goxha sensibilizim. Teknologjia nuk mungon. Besoj që, nëse do dimë ta bëjmë si duhet vizatimin e rrugës dhe do dimë të ecim sipas saj, kjo është e realizueshme dhe do të çlirojë vendin nga një barrë e madhe pluhuri dhe ferrash në të gjithë jetën e përditshme”, – tha kryeministri Edi Rama.

Kryeministri Edi Rama në mbyllje të takimit me përfaqësues të teknologjisë tha se brenda 10 viteve duhet të kemi hequr dorë nga përdorimi i parasë cash. pic.twitter.com/gfzKpdLscY

— Euronews Albania (@EuronewsAlbania) July 18, 2025

LEXONI GJITHASHTU:

• Rama: Një ditë do kemi një ministër IA, nuk kanë kushurinjë për të futur në punë
• Rama: Të krijojmë një këshill të përhershëm për inovacionin, qeveria është e gatshme