Paraburgimi vetëm 1 ditë? Shella: 54% e popullatës në burgje në pritje të dënimit

Drejtori i INFOCIP Gerti Shella, në një intervistë për Euronews Albania ka komentuar ndryshimet në Kodin Penal.

Ai theksoi se për herë të parë janë prezantuar masat alternative për burgu. Sipas tij është e papranueshme që në burgjet shqiptare janë 54% të njerëzve në burgje që janë në pritje të dënimit.

“Për herë të parë në kodin penal prezantohet në mënyrë domethënëse masat alternative, që mund të jenë arrest në shtëpi, detyrim paraqitje, ndalimi për të ikur jashtë shtetit. Shqipëria ndodhet në kushtet e një skandali sistematik ku 54% e popullatës në burgje janë persona në pritje të dënimit.

Është e papranueshme që në burgjet shqiptare të ndodhë kjo gjë. Kjo është një situatë që komprementon shtetin shqiptar në garantimin e të drejtave të njeriut. Kjo gjë e bën politikën penale të jetë e kohëve mesjetare, ku burgu ishte i vetmi mjet për të artikuluar akuzën publike”-tha ai.

Grupi i eskpertëve që kanë punuar gati 3 vjet për Kodin e ri Penal, kanë gati draftin paraprak që pritet të konsultohet me grupet e interesit dhe publikun.

Kodi i ri synon të përafrohet me kodet e vendeve të zhvilluara dhe me standardet e Bashkimit Europian. Kodi ri Penal barazon 1 ditë paraburgim me 1 ditë burg duke demotivuar zgjatjen e proceseve gjyqësore deri në vendimin e formës së prerë pasi me kodin aktual 1 ditë paraburgim llogaritet në dënimin perfundimtar me 1 ditë e gjysëm burg.

Po ashtu kodi ri parashikon konvertimin e disa dënimeve me burg në gjobë maksimumi deri në 100 milionë lekë të vjetra. Në kod janë parashikuar edhe dënime të tjera alternative si gjysmëliria apo lira e kontrolluar, e thënë ndryshe “burg me korrespondencë”.

LEXONI GJITHASHTU: 

• Lejet e qëndrimit për emigrantët, gazetari: Greqia ka riformatuar gjithë sistemin
• Rregullat për agroturizmin, aplikimi në e-Albania, leja shqyrtohet brenda 15 ditëve