Paralajmërimi i fortë: Serbia gati të sulmojë Policinë e Kosovës!

Gazetari Venhar Isufi tha në një intervistë për Euronews Albania se grupi që po trajnohet nga xhandarmëria serbe në Rashkë janë një grup më profesional, me pajisje më të rënda ushtarake se ai i Banjskës që po planifikojnë të sulmojnë policinë e Kosovës.

Isufi tha se nga burime të institucioneve të sigurisë së Kosovës bëhet fjalë për pjesëtarë të njësitit elitar të njësisë speciale të Serbisë, të cilët do t’i bashkëngjiten këtij grupi, që po trajnohen nga xhandarmëria serbe.

“Ajo që ne kemi mësuar nga institucionet e sigurisë së Kosovës bëhet fjalë për pjesëtarë të njësitit elitar të njësisë speciale të Serbisë, që do t’i bashkëngjiten këtij grupi i cili po trajnohen nga xhandarmëria serbe. Kemi të bëjmë me një grup shumë më profesionistë se ai që sulmoi policinë në Banjskë. Për ta larguar barrën nga vetja, Vuçiç, që të mos i mbetet faji Serbisë, do t’i largojë nga policia e Serbisë dhe do t’i vërë në pozicionin e grupit që po trajnon, një pjesë janë rekrutuar nga veriu i Mitrovicës”, tha gazetari.

LEXONI GJITHASHTU:

• Vulin: Do na shkatërrojnë, Serbia do shpallet shtet gjenocidal! Dodik do arrestohet
• Kosova pranë anëtarësimit në KiE, reagon ministri Hasani: Hap i rëndësishëm!