Paralajmërimi i Vuçiç: Do kemi shumë probleme me Kosovën…

Presidenti i Serbisë Aleksandër Vuçiç ka paralajmëruar shumë probleme lidhur me Kosovën, por pa dhënë detaje se për çfarë bëhet fjalë.

“Nuk e di se si do të shkojë me Kosovën. Ata përpiqen ta thyejnë dhe shkatërrojnë vendin tonë nga brenda”, tha Vuçiç në një tubim të organizuar në kremtimin e Festës së Vidovdanit nga Partia Përparimtare Serbe, të cilën e ka drejtuar për vite me radhë.

Patriarku serb, Porfirije, mori pjesë në një shërbesë përkujtimore në Graçanicë të Kosovës, ku u bëri thirrje të gjithëve që “të kontribuojnë për paqen në Kosovë”, ndërsa nga serbët e Kosovës kërkoi që “me shembullin e tyre, t’u japin mësim të gjithëve”.

Më herët, Presidenti serb Aleksandër Vuçiç ka paralajmëruar se ndërkombëtarët do ta çojnë tekstin e Statutit të Asociacionit të komunave me shumicë serbe në Kosovës, për të cilin thotë se “nuk do të na pyesin asgjë”.

Lideri serb shtoi se shteti i tij po “bën më të mirën për të ruajtur paqen dhe janë gjithmonë të gatshëm për kompromise”.

“Pres shumë situata të vështira për ne në periudhën e ardhshme dhe jam pothuajse i sigurt që perëndimorët do të dalin me një ide gjeniale për të na ofruar tekstin e statutit, për të cilin nuk do të na pyesin fare. Prandaj pres shumë, shumë probleme. Por kjo nuk është diçka e re. Ka shumë nervozizëm për situatën në Ukrainë; dhe disa mendojnë se ne duhet të paguajmë çmimin për mospërmbushjen e pritjeve të tyre”, tha Vuçiç.

LEXONI GJITHASHTU:

• Protesta në Serbi, gjuhë urrejtjeje ndaj shqiptarëve dhe thirrje kundër Vuçiç
• Policia e Kosovës i ndalon djalin e i heq bluzën, reagon ashpër Vuçiç