Partia Demokratike është e pashpresë dhe nuk ka moral, thotë ish-presidenti Topi

Ish-Presidenti i Republikës, Bamir Topi thotë se Partia Demokratike, aktualisht është e pashpresë dhe nuk e konsideron si institucion të opozitës.

Në një intervistë për Euronews Albania, Topi nënvizoi se në këtë forcë politike nuk ka mbetur më moral, duke iu referuar betejës së dy grupimeve për siglën.

“Nuk kam absolutisht asnjë lloj interesi, madje nuk kam asnjë lloj shprese për ta konsideruar si institucion të opozitës. Beteja për siglën, është betejë e njerëzve të rrënuar moralisht dhe politikisht. Te ajo sigël, varin shpresat një grup njerëzish që kanë rezistuar në politikë nëpërmjet amoralitetit politik. Më duket një situatë jashtëzakonisht anormale dhe që nuk premton.

Kemi Sali Berishën, i cili po shkonte në venitjen e tij, shkuan e ngacmuan dhe ai erdhi dhe po bën atë që di të bëjë më mirë. Kemi edhe një ish-lider të PD-së, që për disa arsye, që unë i di, por nuk i them publikisht, është jashtë loje. Është situatë paradoksale për një opozitë. Tashmë, ajo parti është e dëmtuar”, theksoi ai.

LEXONI GJITHASHTU

• Bamir Topi: Njoh njerëz që kanë qenë bashkëpunëtorë të Sigurimit, por nuk flas dot
• Balliu: Hapja e dosjeve do fusë në konflikt familjet
• Meta i përgjigjet Ramës për ligjin e dosjeve: Do të shmangë vëmendjen nga vjedhjet