Pas ngjarjes u largua menjëherë në Berlin, kush është autori i atentatit në Shkodër

Policia e Shtetit ka zbardhur atentatin e ndodhur në Shkodër dy ditë më pare, ku u qëllua me breshëri plumbash ndaj Selami Brahimit.

Autori i atentatit është shtetasi Sulejman Kapllani, 68-vjeç, i cili u arrestua në Gjermani.

Hetimet e kryera nga policia dhe prokuroria e Shkodrës bën të mundur identifikimin dhe lokalizimin e autorit, i cili menjëherë pas ngjarjes ishte larguar nga Shqipëria.

68-vjeçari kishte udhëtuar në drejtim të Gjermanisë, ku falë bashkëpunimit përmes Interpolit të të dyja vendeve ai u arrestua këtë të shtunë në qytetin e Berlinit.

Selami Brahimi u qëllua teksa ndodhej brenda automjetit “Citroen C3”. Në dëshminë e tij për policinë Brahimi ka mohuar që të ketë konflikte më ndonjë person dhe theksoi se nuk mundi t’i shihte dot autorët pasi u kap në befasi.

Ai i shpëtoi mrekullisht atentatit edhe pse mori një plumb në fytyrë.

Brahimi rezulton të jetë shok i afërt pjesëtarë të fisit Lici në Shkodër. Pritet ekstradimi i autorit dhe vijimi i hetmeve për të hedhur dritë mbi motivet e ngjarjes.

LEXONI GJITHASHTU:

• Shënjestra ishte pronari i kompanisë, si u ekzekutua ekonomisti i firmës në Kurbin
• Ekonomisti u vra brenda zyrës, si ndodhi atentatit në Kurbin. Pistat e hetimit