Pasues i Luis Diaz, Wirtz merr fanellën me numër 7 te Liverpool

Florian Wirtz, blerja më e shtrenjtë e Liverpoolit në këtë merkato verore, është vlerësuar maksimalisht nga drejtuesit e kampionëve të Anglisë.

Drejtuesit e skuadrës kanë vendosur t’i japin atij fanellën me numrin 7.

Pas largimit të Luis Díaz, është gjermani ai që pritet të marrë më shumë përgjegjësi dhe me shumë gjasa do të jetë titullar në formacionin e trajnerit Arne Slot.

Liverpooli ka kryer disa transferime gjatë kësaj vere, ku vlera më e lartë i takon 22-vjeçarit Wirtz, për të cilin janë paguar 100 milionë paund.

Milos Kerkez, i cili iu bashkua Liverpoolit nga Bournemouth në fillim të kësaj vere, do të mbajë numrin 6, ndërsa Jeremie Frimpong ka zgjedhur numrin 30, të njëjtin numër që kishte te ish-klubi i tij, Leverkusen.

Sulmuesi Hugo Ekitike, i transferuar nga Eintracht Frankfurt javën e kaluar, do të mbajë numrin 22.

Në repartin e portierëve, Giorgi Mamardashvili do të mbajë numrin 25, Freddie Woodman numrin 28, dhe Armin Pecsi numrin 41.

Mbrojtësi Conor Bradley ka ndryshuar numrin e fanellës nga 84 në 12, ndërsa mesfushori Trey Nyoni nga 98 në 42.

LEXONI GJITHASHTU:

• Alexander Isak stërvitet te Sociedad, Liverpool dhe Newcastle nuk po gjejnë akordin
• Manchester United synon Benjamin Seskon, në lojë edhe kartoni i Hojlund