Pedagogu: Shqipëria s’do të ketë kurrë shkencë

Pedagogu Rezart Prifti teksa ka komentuar protestën e pedagogëve dhe kërkesat e tyre drejtuar qeverisë, është shprehur se në Shqipëri edhe për 100 vite të tjera nuk ka për të pasur shkencë.

Teksa e ka konsideruar absurde, kërkesën e pedagogëve për kërkim shkencor, Prifti në një intervistë për Euronews Albania tha se në vendin tonë s’ka strukturë për të bërë shkencë.

“Na lënë ne siç la Shqipërinë opozita tani, na le ne si kastë akademike dhe si njerëz që kemi ardhur në këtë vend për të kontribuar, në mos me pastërti të paktën me prefesionalizëm. Ka retorika që janë boshe siç janë retorikat e politikanëve siç janë sot.

Shqipëria edhe për 100 e ca vite të tjera nuk ka për të pasur shkencë. Nuk jemi ne për shkencë. Kush do e bëjë shkencën këtu te ne. Fondet për shkencë është një kërkesë absurde. Ne s’kemi strukturë për të bërë shkencë.  Ne duhet të optimizohemi që rinia e Shqipërisë të mos ik dhe e dyta ne kemi probleme me shkollën e mesme”- tha Prifti.

LEXONI GJITHASHTU: 

• Protesta e pedagogëve në rrethe, Korça dhe Vlora bojkotojnë
• Nis protesta e dytë kombëtare e pedagogëve, s’mbështeten nga studentët
• Juventus në prag eleminimi, 8 përballjet në Champions League