Pediatrja: Mos i jepni ilaç fëmijës për temperaturë 38.2 gradë

Mjekja pediatre, Mirela Dibra tha në një intervistë për “Good morning Albanians” në Euronews Albania se nuk rekomandohet që fëmijës me temperaturë 38.2 gradë t’i jepet antipiretik (një gamë e gjërë ilaçesh që përdoren për uljen e temperaturës).

Sipas saj, mjekëve ju duhet shumë punë që t;i bindin prindërit se temperatura nuk ka pse të trajtohet si diçka e rëndë, por si një gjendje që e ndihmon trupin të aktivizojë mekanizmat mbrojtës.

“Duhet shumë punë nga ana jonë si mjekë që t’i bindim prindërit ta konsiderojnë temperaturën si aleatin e tyre dhe jo si armikun e tyre sepse shpesh marrim telefonata të alarmuara. ‘38.2 t’i jap gjë?’ Si ti japësh gjë?! Nuk ka nevojë t’i japësh antipiretik me 38.2. Pikërisht ajo temperaturë e ngritur e organizmit aktivizon të gjitha proceset imunitare të domosdoshme. Ka studime të tëra që tregojnë se shërimi natyral i një infeksioni viral apo bakterial është më i shkurtër kur nuk i japim antipiretik në ditët e para,” – u shpreh Dibra.

LEXONI GJITHASHTU:

• Turqia planifikon të evakuojë nga Gaza disa fëmijë të sëmurë dhe plagosur
• “Unë e dua Shqipërinë”, fëmijët në Kolonjë vishen kuq e zi në prag të festave