Protestuesit pas tubimit para Parlamentit, janë drejtuar te rruga poshtë shtëpisë së ish-kryeministrit Sali Berisha.

I pranishëm mes protestuesve ka qenë edhe kreu i grupit të PD-së, Gazment Bardhi, i cili është hera e parë që i bashkohet qytetarëve poshtë banesës së Berishës.

Kujtojmë se seanca e sotme plenare u shoqërua me tensione dhe përplasje, si brenda Kuvendit, ashtu edhe në ambientet e jashtme.

Deputetët e opozitës u përplasën me Gardën e Republikës, pasi këta të fundit nuk lejonin disa prej ligjvënësve që të hynin në Parlament.

Po ashtu tensione kishte edhe në hapsirën para Parlamentit, ku protestuesit e mbledhur u përplasën me Policinë, në drejtim të së cilës hodhën edhe tymuese e kapsolla.

Kujtojmë se opozita ka paralajmëruar përshkallëzimin e aksionit në ditët në vijim.

LEXONI GJITHASHTU:

• Bardhi i bashkohet protestës së opozitës: Deputetët shqyhen për të hyrë në Kuvend
• Tensione në protestën e opozitës, qytetarët hedhin kapsolla e përplasen me Policnë