Përballje spektakolare në Champions| Bayern pret Man United, rikthehet Arsenal

Bayerni i Mynihut nis mbrëmjen e sotme rrugëtimin në Ligën e Kampionëve, në një përballje spektakolare, atë ndaj Manchester United. Dy skuadrat ndeshen me njëra-tjetrën për herë të 11-të në historinë e Ligës së Kampionëve, ndërsa gjermanët kanë triumfuar në 4 prej përballjeve kundrejt 2 të djajve të kuq, ndërsa 5 herë sfidat janë mbyllur në barazim. Forma që po kalojnë gjermanët është pozitive në raport me Manchester United, ndërsa cilësohen favoritë për marrjen e 3 pikëve. Në të njëjtin grup, Galatasaray përballet me Kopenhagenin.

Reali i Madridit e nis rrugëtimin ndaj Union Berlinit, debutuesve të Ligës së Kampionëve, të cilët kanë një rrugëtim thuajse perfekte. 5 mungesa në secilin kamp, por kualitetet e galaktikëve bëjnë diferencën. Pas suksesit në fazën Play-Off, Braga do të kërkojë fitoren edhe në ndeshjen e parë në grupe, ku përballet me Napolin.

Pas 6 vitesh mungesë, Arsenal do të shijojë dhe një herë himnin e ligës së kampionëve, ku Emirates stadium pritet të jetë i tejmbushur në përballjen me PSV. Goonersat kanë një formë pozitive në kampionat, ku synojnë ta përkthejnë edhe në Champions. Po në grupin B, Sevilla ndeshet me Lens.

Nënkampionët e Interit sfidohen nga Real Sociedad, me këta të fundit që kanë luksin të luajnë në shtëpi. Zikaltrit do të provojnë të përsërisin një tjetër sezon pozitiv, ndërsa janë pjesë e grupit D, ku gjenden dhe Benfica e Salzburg.

LEXONI GJITHASHTU:

• Rruga drejt Gjermanisë, Silvinjo rrëfehet në Euronews Albania: Do bëjmë maksimumin
• “Nuk besoj në një kapiten” trajneri i Kombëtares, Silvinjo në Euronews Albania