Përfaqësues të KiE munguan në darkë, Rama: Fjalimi u ra si rrufe në qiell të hapur

Kryeministri Edi Rama deklaroi, se disa prej përfaqësuesve të Këshillit të Evropës nuk u paraqitën në darkën e organizuar nga delegacioni shqiptar mbrëmjen e djeshme, pas fjalimit të tij në Asamblenë e këtij institucioni.

Përmes një postimi në rrjetet sociale, Rama u shpreh se ata e kishin konfirmuar më parë që do merrnin pjesë, teksa shtoi se nuk ishin ndjerë mirë për shkak të fjalimit të tij kundër raportit të Dick Marty.

Sipas tij, fjalimi u ka rënë si një rrufe në qiell të pastër dhe theksoi se atyre do t’u duhet kohë për të analizuar faktet, kuptuar madhësinë e frikshme të gabimit të bërë një dekadë më parë dhe adresuar nevojën për korrigjimin e tij me një akt të ri.

Një përgjigje Rama e ka pasur edhe për opozitën.

Por është e neveritshm, që edhe për një padrejtësi kaq ekstreme dhe për një të drejtë kombëtare kaq legjitime, e kaq përtej politikës së ditës, e djathta jonë e nongratëve dhe e rublave gjen kurajon të kundërvihet e të merret me dokrra”, shkruan ndër të tjera Rama në Twitter.

Disa prej të ftuarve mbrëmë nuk erdhën në darkën e organizuar nga misioni ynë në Strasburg,megjithëse e kishin konfirmuar më parë! Nuk ndjehemi mirë pas fjalimit,ishte arsyeja.E mirëkuptueshme.S’ke si ndjehesh mirë kur dëgjon një histori horrori si sajesa e trafikut të organeve!

— Edi Rama (@ediramaal) October 13, 2022

Nga Strasburgu, kryeministri Rama në Asamblenë e Përgjithshme të Këshillit të Evropës, i bëri thirrje këtij institucioni që të rrëzohen akuzat për trafik organesh ndaj Kosovës.

LEXONI GJITHASHTU

• Rama-KiE-së: Rrëzoni akuzat ndaj Kosovës, pranoni propozimin tonë për rihetim
• Rama: Vuçiçin e kam mik, Serbia nuk mund t’i vërë sanksione Rusisë
• Berisha: Rama bëri skandal në Këshillin e Europës, çfarë i tha eurodeputeti