Përfundon pas 6 orësh seanca në GJKKO, jepet masat e sigurisë për Ilir Beqan

GJKKO ka lënë në fuqi masën e sigurisë “Arrest me burg” për ish-ministrin e Shëndetësisë Ilir Beqaj dhe bashkëpunëtorin e tij Ermal Kurtulaj.

Në përfundim të seancës që ka zgjatur për rreth 6-orë, të vetmit që i është zbutur masa e sigurisë është Alfred Nikollaj, i cili ka lënë qelinë dhe i është caktuar masa e sigurisë “Arrest në shtëpi”.

Ndërkohë që janë lënë në fuqi masat e sigurisë për personat e tjerë nën hetim.

Arrest me burg:

• Ilir Beqaj
• Ermal Kurtulaj

Arrest në shtëpi:

• Elton Marini
• Alfred Nikolli
• Gazmend Haxhia

Detyrim paraqitje:

• Bledar Leka
• Bjona Zijaj

Akuza, për të cilën Beqaj është vënë në pranga nuk lidhet me detyrën e tij si ministër shëndetësie në vitet 2013-2017, por me postin që mbajti si drejtuesi i Agjencisë shtetërore SASCAP, e krijuar  për të menaxhuar ndihmat e donatorëve të huaj, që nga viti 2021.

Masa e sigurisë është marrë me kërkesë të SPAK edhe për fshehje të pasurisë dhe pronësisë në një restorant emrin GZONA në kalanë e Tiranës

Në vitet 2022-2023, prokurorët kanë zbuluar një skemë korruptive me të paktën 8 aktivitete e konferenca, ku fituesit apo organizatorët paracaktoheshin.

Në një rast shërbimi për një konferencë, prokuroruar me vlerë 125 mijë euro rezultoi se nga kompania fituese ishte ofruar vetëm darka në vlerën 4 milionë lekë. Kjo darkë ishte ofruar në restorantin që drejtohej në hije nga ish ministri.

SPAK dhe Byroja e Hetimit po kryen kontrolle në rrethin e ngushtë të Beqajt, por skema zbulon se shumica e faturave dhe shërbimeve që u organizuan në këtë kohë janë paguar tek restorant GZONA.

Kontratat, faturat dhe emrat për prokurorët janë një argument i fortë, se aty janë shpërdoruar fondet e Bashkimit Evropian dhe përfitues i tyre rezulton Beqaj.

Kujtojmë se Beqaj, është në akuzë për shpërdorim detyrë edhe për kontratën koncesionare për instrumentet kirurgjikale, njohur ndryshe edhe si sterilizimi.