Përfundon votimi i zgjedhjeve të pjesshme, Celibashi: Pjesëmarrje e ulët e të rinjve

Kreu i KQZ-së, Ilirjan Celibashi, zhvilloi këtë të diel pas përfundimit të zgjedhjeve një konferencë për gazetarët, ku foli mbi ecurinë e procesit.
Celibashi komentoi zhvillimet e ndodhura gjatë ditës, incidentet e shënuara si dhe rënien e pjesëmarrjes në votime.

“Procesi është mbyllur në pesë bashkitë e vendit. Nga të dhënat që kemi marrë përmes pajisjeve elektronike, pjesëmarrja përfundimtare në total është 18.4 për qind.
Në Bashkinë Vlorë pjesëmarrja ishte 12.5 për qind, në Berat 19.8 për qind, në Cërrik 24.8 për qind, në Mat 39.2 për qind dhe në Tepelenë 34.6 për qind.

Ndërkohë, sa i përket pjesëmarrjes sipas grupmoshave, kemi një të dhënë me interes: në qarkun e Vlorës, pjesëmarrja më e ulët është regjistruar te të rinjtë, ndërsa më e larta te të moshuarit. E njëjta panoramë vihet re edhe në Bashkitë e Beratit, Cërrikut dhe në bashkitë e tjera ku u zhvilluan zgjedhjet,” – deklaroi Celibashi.

LEXONI GJITHASHTU:

• Zgjedhjet në Kosovë, KQZ publikon shifrat: Sa ishte pjesëmarrja deri në orën 11:00
• Zgjedhjet në 5 bashki, Celibashi: Procesi ka filluar normalisht, 2.42 % pjesëmarrja