‘Përgjegjësia është personale’, PS asnjë vendim për Ornaldo Rakipin

Pak minuta pasi mbaroi mbledhja e grupit parlamentar të PS-së, gazetarja e Euronews Albania, Eksiola Shehu raportoi se pjesa e parë e mbledhjes lidhej me propozimet për emrin e presidentin, ndërsa pjesa e dytë është zhvilluar me dyer të mbyllura.

“Nuk është marrë asnjë vendim sa i takon Ornaldo Rakipit, deputetit i cili u zgjodh një vit më parë në zgjedhjet parlamentare në qarkun e Tiranës. Kujtojmë se rreth 10 ditë më parë SHBA-ja vendosi sanksione për babain e tij, Aqif Rakipin” – u shpreh Shehu.

Gazetarja sqaroi se edhe dje kanë komunikuar me Taulant Ballën për të kuptuar se çfarë vendimi do të marrë PS-ja për deputetin, por ai u shpreh se pas përfundimit të mbledhjes së grupit do të ketë një komunikim për mediat.

“Nga deputetët që kanë qenë në mbledhje më kanë konfirmuar se përgjegjësia është personale dhe se nuk kanë marrë një vendim sa i takon Ornaldo Rakipit,” – tha Shehu.

LEXONI GJITHASHTU:

• Ornaldo Rakipi fajëson Bashën për shpalljen non grata të të atit