Përmbytjet në Valencia, sfida me ekipin e Real Madrid drejt shtyrjes

Bota e futbollit, ashtu si e gjithë Spanja, është e prekur nga tragjedia që ka goditur qytetin e Valencias pas ciklonit “Dana”.

Deri më tani, numri i të vdekurve ka rritur në afro 100, me shumë persona të zhdukur.

Situata është tejet dramatike, duke e bërë të vështirë për tifozët dhe lojtarët të mendojnë për futbollin. “Dramë”, shkruan Mundo Deportivo, duke e reflektuar ndjenjën e përgjithshme në vend.

Të gjitha të përditshmet spanjolle i kanë kushtuar faqen e parë situatës tragjike në Valencia.

Ndërkohë, nuk është ende zyrtare, por takimi mes Valencia-s dhe Real Madrid-it, i planifikuar për t’u zhvilluar më 2 nëntor, pritet të shtyhet për një datë tjetër, pasi është e pamundur të luhet futboll në kushte të tilla.

LEXONI GJITHASHTU:

• 51 të vdekur nga përmbytjet në Spanjë, reagon Rama: Të gatshëm të ndihmojmë
• Përmbytjet në Vlorë, IMT nis aksion për prishjen e ndërtimeve pa leje