Sulmohen serbët në Veri, njërit i heqin targat RKS nga automjeti

Edhe pse barrikadat janë hequr, në veri të Kosovës janë shënuar sërish incidente.

Gazetari i Euronews Albania, Kosovë Gjoci raportoi se gjatë ditës së sotme, disa serbë në veri, të cilët i kishin automjetet e regjistruara me targat RKS, janë sulmuar.

Një prej tyre, është sulmuar nga persona të maskuar dhe i kanë hequr targat e automjetit.

“Gjatë ditës së sotme ka pasur një raportim që ka pasur disa sulme ndaj serbëve që i kanë makinat të regjistruara me targat RKS. Në një rast, njëri prej tyre është sulmuar dhe i janë hequr targat nga persona të maskuar. Megjithatë, incidente të tjera nuk janë raportuar”, theksoi ndër të tjera Gjoci gjatë raportimit të tij.

Policia e Kosovës ka bërë të ditur se janë larguar barrikadat në Veri dhe se janë liruar për qarkullim dy pikat kiftare në Jarinje dhe Bërnjak.

Përmes një njoftimi, policia thotë se pas heqjes së barrikadave, dy pikat kufitare janë hapur për qarkullim pasditen e kësaj të premteje.

LEXONI GJITHASHTU

• Hiqen barrikadat, hapen pikat kufitare në Jarinje dhe Bërnjak
• ​Ende të mbyllura dy pikat kufitare me Serbinë
• Daçiç: Kurti është shkaktari kryesor i problemeve në Kosovë