“Peshqit e mëdhenj në rrjet vitin e ardhshëm”, çfarë paralajmëron avokati

Juristi Jordan Daci tha në një intervistë për Euronews Albania se vitin tjetër priten arrestime të bujshme nga SPAK.

Daci u shpreh se me zgjedhjen e kreut të ri, SPAK nuk ka më asnjë justifikim për të mos përmbushur detyrimin e vet kushtetues.

Sipas tij, vitin tjetër do të ketë arrestime të rëndësishme për korrupsion në nivele të larat që deri tani dukeshin të parealizueshme.

“Me këtë zgjedhje SPAK ka mundësinë të rikthehet fuqishëm në rolin kushtetues që ka, nuk mund të ketë asnjë justifikim të mos përmbushë funksionin e vet kushtetues. Dhe, besoj se nuk do isha jo optimist nëse do parashikoja që vitin tjetër SPAK do ketë një rezultat shumë të suksesshëm. Do ketë se s’bën arrestime për korrupsion në nivele të larta, që deri sot janë quajtur të parealizueshme”, tha Daci.

LEXONI GJITHASHTU:

• “Politika larg garës për SPAK”, Daci: Yuri Kim nuk flet kot, ka informacione
• Gazetari tregon se kush është i preferuari i Ramës për kreun e SPAK