Pianistja: Nuk më pëlqeu kënga e Eurovizionit, si një derivat i tallavasë

Pianistja Etrita Ibrahimi tha në një intervistë për “Good morning Albanians” në Euronews Albania se kënga e Eurovizionit, ajo e Albina dhe familjes Kelmendi, i është dukur si një lloj tallavaje dhe nuk i ka pëlqyer.

Ndërsa fliste për këtë rrymë, që së fundmi sipas saj po mbizotëron, ajo tregoi se as këngën e Partisë Socialiste në fushatë nuk e ka dëgjuar.

Pianistja u shpreh se nuk do të donte që këngët e ditëve të sotme të dëgjoheshin rregullisht nga fëmijët e saj sepse tekstet nuk janë edukuese.

“Nuk është nga këngët që i vlerësoj, nuk është zhaneri që mua më pëlqen. Pavarësisht se mesazhi i tekstit është i bukur absolutisht, është ajo lloj muzike që nuk hyn te shijet e mia. Nuk dua ta përdor termin tallava sepse është shkruar nga dy profesionistë. Nuk them është tallava, por është në atë vazhdë, është lloji i muzikës që është i tillë, është derivat i saj, por është profesionale, nuk mund të them që është këngë e sajuar,” – u shpreh Ibrahimi.

LEXONI GJITHASHTU:

• Pse është quajtur “pianistja fluturuese”? Artistja greke emocionon me rrëfimin e saj
• Violinisti Tedi Papavrami: Qëkur isha 20 vjeç kam të njëjtin bashkëpunëtor në piano