Plagosja në lokalin në Librazhd: I riu u qëllua gabimisht, ja cili ishte objektivi

Policia ka zbardhur ngjarjen e ndodhur mbrëmjen e djeshme, në një lokal në qytetin e Librazhdit, ku mbeti i plagosur 35-vjeçari, Shpëtim Skura.

Nga veprimet hetimore dyshohet se 35-vjeçari është plagosur aksidentalisht nga shtetasi Albi Biçaku.

Qëllimi i këtij të fundit ishte të eliminonte një shtetas tjetër, pasi ky i fundit ishte konfliktuar me vëllanë e tij.

Gjatë kontrollit në banesën dhe në dyqanin e përbashkët të dy vëllezërve, policia ka gjetur 1 armë zjarri pistoletë, 1 kallëp me lëndë plasëse e programuar për shpërthim në distancë, municion luftarak dhe një sasi kanabisi.

Në vijim të veprimeve është arrestuar në flagrancë vëllai i autorit të dyshuar të plagosjes, ndërkohë që po vijon puna për arrestimin e Albi Biçakut

Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

“Nga veprimet hetimore dyshohet se rreth orës 18:00, shtetasi R. B. (vëllai i shtetasit A. B.) është konfliktuar fizikisht me shtetasin R. H. Më pas, shtetasi A. B. ka shkuar në lokalin ku po qëndronte shtetasi R. H., ka qëlluar me armë zjarri në drejtim të tavolinës ku ishte ulur ai dhe si pasojë është plagosur aksidentalisht në këmbë shtetasi Sh. S., i cili ndodhet jashtë rrezikut për jetën.

Në vijim të veprimeve për këtë rast, u arrestua në flagrancë vëllai i autorit të kësaj ngjarjeje, shtetasi R. B., 33 vjeç, banues në Librazhd, për veprat penale “Prodhimi dhe mbajtja pa leje e armëve, armëve luftarake dhe municionit” dhe “Prodhimi dhe shitja e narkotikëve”.

Arrestimi i 33-vjeçarit u bë pasi gjatë kontrollit në banesën dhe në dyqanin e përbashkët me vëllanë e shpallur në kërkim si autor i plagosjes, shërbimet e Policisë gjetën dhe sekuestruan 1 armë zjarri pistoletë, 1 kallëp me lëndë plasëse e programuar për shpërthim në distancë, 1 karikator automatiku, 1 krehër pistolete, 136 fishekë dhe rreth 560 gamë kanabis. Vijon puna për kapjen e shtetasit A. B”, thuhet në njoftimin e policisë.

LEXONI GJITHASHTU:

• EMRI| I sekuestrohen 3 milionë euro pasuri të dënuarit për trafik droge
• EMRAT| Të shtëna me armë në Librazhd, 1 i plagosur dhe 2 në kërkim
• Policia kroate sekuestron 11 kg heroinë në kufirin me Serbinë, pranga shqiptarit