Policia refuzon të mbulojë ndeshjet e Kastriotit në Kamëz, luhet në Elbasan Arena

Federata Shqiptare e Futbollit bëri me dije se ndeshja Kastrioti-Bylis, e vlefshme për javën e 28-të të Abissnet Superiore, e planifikuar për t’u zhvilluar më datë 9 prill 2023, do të zhvillohet të mërkurën e datës 19 prill në stadiumin Elbasan Arena duke filluar nga ora 15:00.

Klubi Kastrioti do t’i luajë të gjitha ndeshjet e mbetura deri në fund të sezonit në stadiumin “Elbasan Arena” për shkak se Policia e Shtetit nuk merr përsipër garantimin e sigurisë në stadiumin “Kamza”.

Një javë më parë, në ndeshjen Kastrioti-Laçi arbitrat e ndeshjes janë kërcënuar me jetë dhe janë detyruar të anulojnë një gol për skuadrën e Laçit. Të ndjerë vazhdimisht të kërcënuar zyrtarët kanë pasur frikë të deklarojnë me shkrim apo të denoncojnë ngjarje të tilla, thuhet në një njoftim të FSHF.

Goli i Babatunde u anulua për prekje të topit me dorë, gjë që i jepte fitoren Laçit, pasi përballja ishte në rezultatin 1-1. Më pas shënoi Kastrioti.

LEXONI GJITHASHTU:

• Kastrioti ndal Partizanin kryesues, nuk ka gola në Elbasan Arena
• Skandal në futbollin shqiptar, arbitrat kërcënohen me jetë