Ambientalisti Sazan Guri tha në një intervistë për “Good morning Albanians” në Euronews Albania se policia nuk e përdor pajisjen që mat zhurmat në lokale, sepse kërkon ryshfet.

Sipas tij, policia as nuk shkon e pajisur për të matur zhurmën dhe prania e tyre nëpër lokale mund të trembë turistët.

“Ajo që ndodh shpesh herë aty ku abuzohet me anë të trupave policore që shkojnë në mënyrë të dhunshme, shkojnë pa matje. Ata duhet të kenë një aparaturë që të masë atë pjesë që shtëpia më e afërt ka me objektin. Abuzimi në këtë rast është edhe i policisë. Siç është kontrolli në rrugë që fillimisht duhet të masë shpejtësinë, pastaj të thotë që je gabim, edhe ai duhet të masë distancat nga shtëpia më e afërt te lokali më i afërt, te lokali që është objekt zhurme, duhet ta masë diku jashtë që të thotë se je gabim. Kjo bëhet sepse janë ato përfitimet e shkurtra në grupe apo në individë,” – u shpreh Guri.

LEXONI GJITHASHTU:

• Mjekja jep alarmin: Zhurma në vesh, fillimi i humbjes së dëgjimit
• Në “luftë” me muzikën e lokaleve të natës