Policja shqiptare: Prindërit pro dënimit me vdekje për abuzuesit me fëmijët

Ligjvënësit e Florida-s kanë miratuar javën e kaluar legjislacionin që do të lejojë dënimin me vdekje për personat e dënuar për abuzim seksual të fëmijëve.

Propozimi dypartiak, i cili u miratua me 34 vota pro dhe 5 kundër do të lejojë gjithashtu juritë të japin dënime me vdekje me vota prej të paktën 8-4, pasi më parë kërkonin unanimitet.

Policja shqiptare në Florida Erida Caudill tha në emisionin GoodMorning Albanians se vendimi është mirëpritur nga prindërit.

“Me sa kam parë ishte shumë i mirëpritur dhe i mbështetur nga të gjithë. Pjesa e jurisë u aprovua javës që shkoi, ndërsa pjesa tjetër pritet të firmoset këtë të martë. Vetëm 27 shtete të SHBA e mbështesin dënimin me vdekje”, tha policja shqiptare.

LEXONI GJITHASHTU:

• Florida, dënim me vdekje për abuzuesit seksualë të fëmijëve
• Trump largohet në drejtim të Floridas, seanca e ardhshme më 4 dhjetor