“Politika ka futur hundët”, avokati flet për vrasjen e biznesmenit në Shëngjin

Avokati Idajet Beqiri,i ftuar në Euronews Albania tha se mendon se në ngjarjen e ndodhur mesditën e të mërkurës, ku u ekzekutua në lokalin e tij biznesmeni dhe eksponenti politik në Shëngjin Ardian Nikujal, “i ka futur hundët” politika.

Sipas tij politika në Shqipëri nuk e lë as policinë dhe as prokurorinë të bëjë punën e saj, por ndërhyn, ndaj sipas tij në këtë kohë zgjedhjesh, pavarësisht se si do dali rezultati i hetimit, nuk mund të mos mendohet që ngjarja ka lidhje me zgjedhjet.

“Problem kryesor është te fakti që si politika nuk e lë as policinë e shtetit dhe as prokurorinë që të merret me detyrën e saj ligjore dhe funksionale, por menjëherë futet politika dhe ajo bën edhe hetuesin edhe prokurorin edhe gjykatësin etj. Bën edhe drejtorin e Përgjithshme të Burgjeve, se atje merren këto dëshmitë e penalitetit, megjithëse kjo është sekrete, sepse ka një kod, këta e nxjerrin edhe e hedhin në treg.

Në këtë aspekt më duket tepër e gabuar dhe një vazhdimësi në politikën shqiptare që kur ka situate zgjedhore çdo gjë që ndodh është politike, çdo vrasje do kthehet për përfitime kapitalesh politike, për të marrë ndonjë votë, apo edhe për të justifikuar humbjen, se humbën se na vranë. Kjo është e rrezikshme. Gjithsesi në momentin kur është bërë vrasja, jam i bindur 1000% që e ka future hundën politika, se jemi në kohë zgjedhjesh të pushtetit vendor”,-tha avokati Idajet Beqiri.

LEXONI GJITHASHTU:

• “Përçmim për akuzat e opozitës”, Ulsi Manja: Të zbardhet vrasja në Shëngjin
• Vrasja në Shëngjin, ish-drejtori i policisë: Autori duket se ka përvojë në atentate