Premtoi mbylljen e xhamive/ Myftiu Gurra: Fitorja e Wilders në Holandë, shqetësuese

Populisti Geert Wilders i cili njihet si anti-islamik, fitoi zgjedhjet në Holandë, ai ka premtuar ndër të tjerat se do të mbyllë xhamitë në Holandë.

Për të folur për këtë ishte i ftuar këtë të premte në Euronews Albania ishte myftiu Ylli Gurra i cili e ka cilësuar këtë situatë si shumë shqetësuese.

“Përgjatë fushatës aq sa pak e kam ndjekur ai është treguar paksa më i zbutur në deklaratat lidhur me komunitetin mysliman që jeton atje, i cili nuk është se përbën ndonjë shumicë të madhe.

Sigurisht që kjo është shqetësuese, deklarime të tilla për mbylljen e xhamive apo të shkollave të nivelit partashkollor, për mësimin e kuranit apo për literaturën islame. Sigurisht që kjo nuk shkon tani në vitin 2023”,-tha Ylli Gurra.

LEXONI GJITHASHTU:

• Gara elektorale në Holandë, shanse serioze për ekstremistët e Wilders
• Kundër BE, emigrantëve dhe islamit, kush është ekstremisti që fitoi në Holandë