Presidenti Bajram Begaj uron besimtarët me rastin e Fitër Bajramit

Presidenti Bajram Begaj uroi sot besimtarët myslimanë në përfundim të muajit të shenjtë Ramazanit për festën e Fitër Bajramit.

Në një mesazh që shpërndau në facebook, Presidenti Begaj, shpreh urimet që kjo festë t’i gjejë besimtarët myslimanë me afër Zotit, me gëzim, begati e devotshmëri për vepra të shtuara të mira.

“Bajram të bekuar për të gjithë myslimanët, ata që agjëruan dhe ata që nuk mundën, por që me lutje i janë afruar Zotit përgjatë muajit të shenjtë të Ramazanit. Uroj që ky Fitër Bajram t’ju gjejë me shpirt të pastër, me gëzim, begati e devotshmëri për vepra të shtuara të mira. Kjo ditë shenjon shpresën dhe besimin se durimi, përpjekja dhe solidariteti njerëzor shpërblehen. Zoti ju bekoftë dhe ju udhëzoftë në rrugën e drejtë!”, shprehet Begaj.

LEXONI GJITHASHTU:

• 15-vjetori i anëtarësimit në NATO, Begaj: Moment krenarie për Shqipërinë
• Presidenti Begaj: NATO dhe SHBA shpëtuan Kosovën dhe stabilizuan Ballkanin