Presidenti Bajram Begaj ka dekretuar datën 11 maj 2025 për mbajtjen e zgjedhjeve parlamentare.
“Presidenti i Republikës vendosi që të respektojë kërkesën e KQZ-së dhe të caktojë datën 11 maj 2025 si datë për zhvillimin e zgjedhjeve për Kuvendin e Shqipërisë”, thuhet në dekretin e firmosur nga presidenti.
Në konsultimet me presidentin për datën e zgjedhjeve disa ditë më parë partitë e vogla propozuan 4 majin për mbajtjen e zgjedhjeve të përgjithshme.
Kreu i PAA, Agron Duka në një komunikim për mediat pas konsultimeve me presidentin tha se qëllimi është që zgjedhjet të mbahen para Komunitetit Politik Evropian që mbahet në 9 maj dhe mbledh në Tiranë liderët e Bashkimit Evropian, Ballkanit Perëndimor dhe Britania e Madhe e Turqia.
“Propozuam datën 4 maj, duke qenë se në 9 maj është një event që mbledh kryeministrat e Evropës dhe data 11 maj do ishte e papërshtatshme pasi mund të paragjykohet”, tha Duka.
LEXONI GJITHASHTU:
- Pritja zyrtare për 28 Nëntorin, Begaj: Zgjedhjet e ardhshme duhet të jenë shembull
- Përfundon pas 8 orësh mbledhja e Qeverisë në Dajt, çfarë u diskutua
