Presidenti i ekipit argjentinas filmohet duke marrë 25,000 $ nga nëna e futbollistit

Një video skandal ka tronditur futbollin argjentinas, ku presidenti i klubit San Lorenzo, Marcelo Moretti, është filmuar duke marrë një shumë prej 25,000 dollarësh nga nëna e një futbollisti, si shpërblim për të nënshkruar kontratën e parë profesionale për djalin e saj.

Videoja u transmetua nga “El Nueve”, ku shihet Moretti duke marrë paratë dhe i fut ato në xhep, duke lënë të kuptohet se ky ishte një marrëveshje e fshehtë për të favorizuar përfshirjen e lojtarit në ekip.

Një kamerë e fshehtë regjistroi bisedën midis presidentit të San Lorenzos dhe nënës së futbollistit, ku Moretti kërkoi 25,000 dollarë për të garantuar kontratën e djalit të saj.

Pamjet dhe audioja u transmetuan nga Canal 9, që zbuloi momentin kur gruaja nxori shumën e parave, ndërsa Moretti i fuste ato në xhaketën e tij.

Biseda u zhvillua në një klimë të qetë, ku presidenti i klubit nuk la vend për dyshime, duke thënë: “25,000 ose 30,000 dollarë”.

Edhe pse nëna e futbollistit sugjeroi një pagesë në dy këste, Moretti ishte i prerë: “Sa më shpejt, aq më mirë…”.

Kjo video dhe akuzat kanë ngritur shqetësime të mëdha për korrupsionin dhe praktikat e paligjshme në futbollin profesionist.

Marcelo Moretti, presidente de San Lorenzo, enganchado recibiendo 20 lucas verdes para subir a un pibe.

Volvieron los viejos valores, volvieron los dirigentes de verdad 🚬 pic.twitter.com/JZGaefafuw

— Premier League Argento (@EPLargento) April 22, 2025

Ndërkohë, protagonisti i videos, presidenti i San Lorenzos, Marcelo Moretti, ka reaguar me një postim në Twitter, ku ka njoftuar se do të tërhiqet përkohësisht nga detyra deri në sqarimin e plotë të situatës, si me institucionet sportive, ashtu edhe me ato të drejtësisë.

Postimi i Marcelo Moretit:

“Për të pasur një mbrojtje legjitime dhe të lirë, si në gjykatë ashtu edhe në media, dhe për të mbrojtur institucionin nga aktet për të cilat akuzohem, do të marr një pushim nga detyra si president i San Lorenzos, duke filluar nga nesër.
Do të paraqitem si në gjykatat e zakonshme, ashtu edhe në Gjykatën e Etikës dhe Disiplinës së klubit për të provuar pafajësinë time absolute. Po e marr këtë leje që drejtësia të hetojë me qetësi dhe transparencë absolute. San Lorenzo është mbi gjithçka dhe mbi të gjithë”. shkruan ai.

Con el fin de ejercer una legítima y libre defensa tanto judicial como mediática y para resguardar a la institución de los hechos que se me atribuyen, desde mañana tomaré una licencia a mi cargo como presidente del Club Atlético San Lorenzo de Almagro. Me presentaré a primera…

— Marcelo Moretti (@morettimarcelo) April 23, 2025

LEXONI GJITHASHTU:

• Argjentina dhe Brazili shpallin 7 ditë zie kombëtare për vdekjen e Papa Françeskut