Presidentja hungareze: Mbështesim Shqipërinë në procesin e integrimit në BE

Presidentja hungareze Katalin Novak është e pranishme në një vizitë zyrtare në Shqipëri.

Sipas protokollit ajo mbajti fjalën e saj në Kuvend, duke shprehur aty mbështetjen për Shqipërinë dhe integrimin e saj në Bashkimin Europian.

Novak theksoi se integrimi europian do të na çojë drejt paqes dhe stabilitetit në gjithë Evropën sepse diçka e tillë nuk mund të arrihet pa ndikimin e Ballkanit Perëndimor. Për këtë arsye presidentja hungareze tha se do të ndihmonte për finalizimin e procesit të integrimit të Shqipërisë.

“Duam që ju, shqiptarët, t’iu përshëndesim si qytetarë të Bashkimit Europian sepse jo vetëm ju keni nevojë për BE-në por dhe ne hungarezët dhe gjithë kombet që janë anëtarë kanë nevojë për ju brenda BE-së,” – u shpreh presidentja hungareze.

Ndër të tjera ajo bëri thirrje dhe për ndaljen e emigracionit të paligjshëm, duke shtuar se ky është një problem i rëndë për mbarë Evropën.

LEXONI GJITHASHTU:

• Protestuan para Kuvendit, policia në zyrat e Lëvizjes Bashkë
• Osmani nga Moldavia: Na duhet ndihma e miqve për të luftuar grupet kriminale në Veri