Prodhuesit e ushqimeve në RMV do të paguajnë më pak për energjinë elektrike

Kompanitë që prodhojnë produktet ushqimore bazë në Maqedoninë e veriut do të paguajnë më pak për energjinë elektrike, 80 euro për megavat.

Ky vendim pritet që të ulë çmimin e produkteve me të paktën 10 për qind. Kjo është një prej masave që Qeveria e miratoi në mbledhjen e fundit.

”Kam premtuar se ushqim, energji elektrike dhe ngrohje këtë dimër do të ketë për të gjithë. Me vendimet e reja qeveritare sigurojmë energji elektrike më të lirë, afro 80 euro për megavat orë për kompanitë që prodhojnë produkte ushqimore bazë” Qeveria njoftoi në fund të tetorit se kompania shtetërore Elektranat e Maqedonisë së Veriut ka prodhuar 11 149 megavat orë energji elektrike nëpërmjet termoventraleve dhe hidrocentraleve”, u shpreh Dimitar Kovaçevski, kryeministër i RMV-së.

Madje qeveria bën të ditur që investimet në vlerën 5 milionë euro në kompaninë shtetërore MESPO për shpërndarjen e energjisë do të rrisin kapacitetet e prodhimit dhe të mbulimit pa ndërpreje.

“Me këtë teknologji më moderne, do të arrihet përdorimi familjar dhe efikas i fibrave optike të integruara në linjat e transmetimit dhe do të sigurohet enkriptimi dhe mbrojtja e plotë e informacionit që do të transportohet”, thotë Orhan Murtezani, drejtor i SH.A MEPSO.

Masat e Qeverisë përfshijnë edhe ndërmarrjet publike për furnizim me ujë të pijshëm, të cilat do të furnizohen me energji elektrike me çmim fiks prej 95 euro për megavat orë. Kjo me qëllim që të mos rritet çmimi i faturave të ujit për qytetarët.

LEXONI GJITHASHTU

• “Çmimi i energjisë nuk është rritur”, Balluku: S’është vendosur fasha 800 kw
• Paratë e Berlinit, Shqipëria e fundit për tërheqjen e financimeve për investime
• Hakerat shënjestrojnë SHISH, zbulohen emrat dhe pozicionet e 400 punonjësve