Programe të përbashkëta studimi mes Universitetit të Korçës dhe UPT

Universiteti i Korçës dhe Universiteti Politeknik i Tiranës kanë nënshkruar një marrëveshje bashkëpunimi për programe të përbashkëta të studimit.

Programe që sipas rektorëve Dhimitër Bello dhe Andrea Maliqari synojnë ndërkombëtarizimin e këtyre dy universiteteve në programe të përbashkëta studimi.

Sipas rektorëve do të jenë grupet e punës ato që do të zgjidhin teknikisht gjithçka ka të bëjë me funksionim të ri.

Të dy rektorët kane bërë me dije se pjesë e këtyre programeve studimi nuk do të jenë vetëm studentë nga shqiptaria, por edhe me gjerë.

Po ashtu bëhet me dije se në përfundim të studimeve diploma do të jetë e dyfishtë.

Vetëm pak kohë më parë rektorati i universitetit te Korçës ka votuar për bashkimin e universitetit Fan Noli me atë të Tiranës, por pas reagimit të studentëve dhe pedagogëve gjithçka është kthyer mbrapsht. Tani është universiteti politeknik ai që vjen ne Korçë me programe te përbashkëta të studimit.

LEXONI GJITHASHTU:

• Programe të përbashkëta studimi mes Universitetit të Korçës dhe UPT
• Jo vetëm #Kudo, por #KudoShëndetshëm