Provokojnë mediat greke: Tirana po na sfidon me Presidentin Begaj

Presidenti Bajram Begaj ishte këtë të hënë në Konispol, ku pas pas një sërë aktivitetesh, vendosi edhe një kurorë  me lule në varrezën monumentale “Trëndafilat e Çamërisë”, gjest ky i keqinterpretuar nga mediat greke.

“Ky memorial ju është kushtuar viktimave të eksodit të çamëve gjatë viteve 1944-1945.” –shkruan zyra e shtypit të presidentit Begaj.

Megjithatë  në Athinë ky gjest ka gjetur një hapësirë më të madhe interpretimi, në një  artikull të gazetës “Prototema”, e cila e quan këtë “sfidë” e re nga Tirana: Presidenti shqiptar në eventin për “gjenocidin e çamëve”.

Gazeta e sheh si karshillëk këtë veprim, duke shtuar se deri më tani vetëm disa përfaqësues partiakë kanë marrë pjesë në këto aktivitete që kultivojnë nacionalizmin antihelen në Shqipëri, të cilat organizohen çdo vit nga (PDIU) dhe “Shoqata Patriotike e Çamërisë”.

Gazeta akuzon kryeministrin se po e përdor çështjen e Çamëve për t’iu përgjigjur zhvillimeve në çështjen Beleri, ku shkruan:

“Në një kohë kur tensioni në marrëdhëniet dypalëshe mbetet, pavarësisht lejes gjashtëditore që i dha Fredis Beleris për t’u betuar në Parlamentin Europian, Tirana shfaq humorin e saj duke e ngritur çështjen e Çamërisë në nivelin më të lartë.”

Artikulli mbyllet duke kujtuar takimin e kryeminsitrit Rama me diasporën shqiptare në Athinë, të cilin e quan një miting parazgjedhor e në këtë mënyrë Rama merr votat e çamëve dhe njëkohësisht gjen një levë presioni ndaj Greqisë.

LEXONI GJITHASHTU:

• Shpallja e zgjedhjeve në Himarë, Bardhi: Begaj pjesë e teatrit
• Kreu i Shoqatës “Çamëria”: Ligji i Luftës absurd! Greqia ka vendosur të mos e heqë