“PS i ka 84 vota”- Çuçi: Ja pse e tërhoqa nga Kuvendi ligjin për amnistinë

Kreu i Grupit Parlamentar të Partisë Socialiste, Bledi Çuçi, është shprehur se Partia Socialiste i ka 84 vota në Kuvend, për të kaluar ligjin për amnistinë penale.

Komentet Çuçi i bëri gjatë një deklarate për mediat pas përfundimit të seancës plenare, ku tha se ai e tërhoqi ligjin nga Kuvendi, në respekt të traditës që amnistia votohet me konsensus.

Ai tha gjithashtu se deklaratat e kryedemokratit Lulzim Basha, i cili pretendonte se amnistia po përdorej për të liruar nga burgu zyrtarët e korruptuar, ishin të pabazuara.

“Në emër të grupit e tërhoqa ligjin për amnistinë nga axhenda e sotme, në respekt të traditës së deritanishme që ligji për amnistinë të votohet me konsensus. Sepse përfituesit e ligjit për amnistinë janë njerëz të zakonshëm. Qëndrimin e Bashës e kemi dëgjuar dje, nuk kam çfarë komentoj.

PS i ka votat solide. Por ne jemi të duruar për të respektuar traditën. Sot e tërhoqëm në respekt të traditës për ta votuar me konsensus të plotë. 84 vota për amnistinë janë gjithmonë në Parlament. Publiku e ka kuptuar se kush e ka seriozisht, jo vetëm për amnistinë, por për çdo çështje”, tha Çuçi.

LEXONI GJITHASHTU:

• Seanca plenare në Parlament, PS tërheq nga votimi pr.ligjin për Amnistinë Penale
• Amnistia/ Basha me qytetarët: Duan të shpëtojnë zyrtarët e korruptuar