PS miraton e vetme nisjen e hetimit për Komisionin e “Sterilizimit”

Anëtarët e mazhorancës në Komisionin Hetimor për Shërbimet Publike të Sterilizimit dhe Check up në Shëndetësi, vijuan mbledhjen e cila më herët ishte deklaruar e mbyllur nga kryetarja Albana Vokshi.

Anëtarët e mazhorancës në vijim të mbledhjes miratuan me 8 vota pro nisjen e hetimit parlamentar, si dhe miratuan kërkesat për marrjen e provave drejtuar institucionve sipas kërkesave të opozitës dhe mazhorancës.

Ky propozim, për fillimin e hetimeve ishte parashtruar vazhdimisht gjatë mbledhjes së sotme prej anëtarëve të mazhorancës, por u refuzua nga kryetarja Albana Vokshi dhe anëtarët e tjerë të opozitës.

Kujtojmë se mbledhja e sotme e Komisionit të sotëm Hetimor të Shëndetësisë u shoqërua me tensione të forta mes mazhorancës dhe opozitës.

LEXONI GJITHASHTU:

• Përplasje e tensione, mbyllet mbledhja e Komisionit Hetimor për Shëndetësinë
• Dështon Komisioni Hetimor për Sterilizimin, PS bojkoton sërish