PS rrëzon kërkesën e PD për komisionet për çështjen McGonigal dhe zgjedhjet

Socialistët nuk kanë dhënë dakordësinë në konferencën e kryetarëve për ngritjen e dy komisioneve hetimore të kërkuar nga demokratët për çështjen McGonigal si edhe zgjedhjet parlamentare të 11 majit.

Mazhoranca ka kërkuar që të ketë argumente shtesë, ndërsa vendimi përfundimtar do të merret në seancën parlamentare të 30 tetorit. Sa i takon mocionit me debat për Onkologjikun, socialistët kanë propozuar që ta bëjnë interpelancë duke lënë një afat 30 ditor.

Kreu i Grupit Parlamentar të PS-së, Taulant Balla përmes një postimi në “X”  shkruan se gjatë konferencës së kryetarëve ka shprehur dëshirën që të pranohet çdo instrument kontrolli parlamentar.

“Sot në konferencën e kryetarëve kam rishprehur qëndrimin dhe dëshirën tonë të pranojmë çdo kërkesë/instrument kontrolli parlamentar. Çdo kërkesë të bazohet në rregullat e gjithëpranuara nga ligji dhe vendimet e GJK, në fakte dhe grup-fakte, jo në thashetheme. Tung!” shkruan ai.

LEXONI GJITHASHTU:

• Gjekmarkaj: Parlamenti është marr peng, po i bëni atentat opozitës dhe shoqerisë
• Peleshi replika me Gjekmarkajn: Parlamenti shqiptar është ndër më liberalët në BE