Pse dalin tezat e maturës kur hartuesit “ngujohen”? Përgjigjet Nora Malaj

Ish-ministrja e Arsimit Nora Malaj tregoi për “Good morning Albanians” në Euronews Albania se që nga momenti që e ka drejtuar maturën shtetërore, në 8 vite dhe në vijim, ngujimi i mësuesve ka qenë pjesë e sistemit.

Hartuesit e tezes mbyllen gjithashtu dhe nuk dalin deri në përfundim të provimit.

Moderatorja e emisionit, Greta Topjana u shpreh se pavarësisht këtyre masave, tezat kanë dalë.

“Ka forma nga më të ndryshmet, e nxjerrin ata që duan, një pjesë kanë inate personale dhe duan ta sabotojnë si proces dhe duan të tregojnë që gjithmonë ka problem, një pjesë tjetër marrin telefonat. Unë në gjithë menaxhimin kam parë ngjarje nga më të ndryshmet, vendosje telefonash në vende që ty s’të shkon as mendja, situata shumë të vështira, por nuk janë fëmijët ata që e nxjerrin tezën,” – u shpreh Malaj.

LEXONI GJITHASHTU:

• Nis sot Matura Shtetërore, mbi 30 mijë nxënës testojnë njohuritë në gjuhën e huaj
• Shqiptari përplaset për vdekje në vizat e bardha në Itali, sapo festoi maturën