Pse Rusisë i intereson të ketë luftë në Europë? Meçollari analizon situatën

Ish-zëvendës komandanti i Forcës Detare, Artur Meçollari u shpreh në një intervistë për Euronews Albania se Rusisë i intereson që të përfshijë në luftë Europën, se kështu nuk mbetet më vendi agresor, por do kalojë në vetëmbrojtje.

Meçollari nënvizoi se për ngjarjen e djeshme ka shumë dyshime se raketat mund të jenë lëshuar gabimisht nga Ukraina për në Poloni.

“Mundësia më e madhe është që të jenë raketa ukrainase ato që ranë dje në Poloni. Gabimisht raketat e mbrojtjes ajrore kanë humbur objektivin e tyre dhe ranë në Poloni. Nuk ka ende një ekspertizë për këtë ngjarje. Duhet të ketë informacion të plotë nga vendi ku janë zbuluar.

Rusia ka interes për rritjen e konfliktit. Nga pikëpamja teorike Rusia ka interes qe të provokojë NATO-n për një zgjerim të konfliktit. Ashtu siç NATO ka deklaruar që nuk do të përfshihet në konflikt.  Rusia kërkon përfshirjen e Europës në këtë konflikt. Nuk do të ishte më agresor por do të ishte vendi që do të pësonte agresonin, pra kërkon të dalë nga situata, duke kaluar në vetëmbrojtje”, u shpreh ai.

LEXONI GJITHASHTU:

• Paralajmërimi i Meçollarit: Shqipëria mund të humbë 40 km2 det në Gjykatën e Hagës
• Pse Rama u tërhoq nga dakordësia për detin? Flet ish.zv komandanti i Forcës Detare
• Greqia kërkon naftë në detin Jon, Meçollari: Është zonë e kontestuar