Ivan Vejvoda, këshilltar i ish-kryeministrit të Serbisë Xhinxhiç tha në një intervistë për emisionin Balkan Talks në Euronews Albania se plani gjerman ofruar Kosovës dhe Serbisë ishte plotësisht i pranueshëm nga liderët e të dyja vende.

Sipas tij, Shtetet e Bashkuara të Amerikës dhe Bashkimin Evropian, Franca, Gjermania, Londra do të ushtrojnë më shumë presion ndaj të dyja vende që të arrihet zbatimi i marrëveshjes.

Këtë, nënvijëzoi Vejvoda, e tregoi më së miri fakti që Antoni Blinken doli me një kritikë shumë të ashpër ndaj Kurtit pasi ai nuk ishte këshilluar me komandantët e KFOR-it për të dërguar forcat speciale policore në veri edhe pse u paralajmërua të mos e bënte.

“Absolutisht, po e shohim tani. Një demonstrim i asaj që po thoni, mendoj se është fakti që sekretari i shtetit të SHBA-së, Antoni Blinken, doli me një kritikë shumë të ashpër ndaj z. Kurti pasi ai nuk ishte këshilluar me komandantët e KFOR-it për të dërguar forcat speciale policore dhe kryebashkiakët ndonëse pati paralajmërimet që kjo nuk duhej bërë. Ky është vetëm një shembull që pamë disa ditë më parë gjatë Samitit të komunitetit politik evropian në Kishinau të Moldavisë, ku u organizua një takim mes Presidentit Vuçiç dhe Presidentes Vjosa Osmani. Nëse i keni parë fotot, ishte Kryeministri Sholtz, Presidenti Makron dhe z. Borell të ulur në një tavolinë duke diskutuar këto probleme. Do të thosha se një gjë e tillë nuk do te mund te ndodhte pa presionin e aktorëve ndërkombëtarë”, tha Vejvoda.

LEXONI GJITHASHTU:

• Analisti serb Vejvoda sqaron: Vuçiç ka shumë probleme brenda vendit, por Kosova…
• Analisti i njohur serb Ivan Vejvoda: Ja zgjidhja e krizës Kosovë-Serbi…