Ingrid Xhaja, eksperte komunikimi, komentoi në një intervistë për Euronews Albania suksesin që po korr në kinematë e mbarë botës filmi Barbie me regji të Greta Gerwig dhe me aktorë Margot Robbie dhe Ryan Gosling.

Ajo u shpreh se rikthimi i Barbie, tashmë me një regjisore më të mirë, bëri që kukulla e famshme të vinte me mesazhe të fuqishme.

“Është interesante nga pikëpamja e regjisë dhe e marketingut të zgjuar. Një film super i famshëm, i lehtë vere, që rikthehet por me një regjisore të mirë. Barbie ka mesazhe të fuqishme, ka një kast fantastik dhe paketim të mrekullueshëm. Barbie ka një buxhet të jashtëzakonshëm, ndërsa filmi tjetër, “Oppenheimer” i cili është gjithashtu shumë i ndjekur në kinema gjatë javëve të fundit, ka një buxhet më të vogël por një strategji më të mirë për të risjellë njerëzit në kinema”, tha Xhaja.

LEXONI GJITHASHTU:

• Barbie regjistron fitime marramendëse, filmi më i shikuar në SHBA e Kanada
• Pas kritikave, del në treg Barbie me sindromën Down