Pse u shty Kongresi i Partisë Socialiste? Deputeti i PS zbulon arsyet

Deputeti Ilir Metaj tha në Euronews Albania se arsyeja se përse u shty Kongresi i Partisë Socialiste është që të kenë mundësi të energjizojnë sa më shumë vendimet e marra në Asamblenë e Partisë Socialiste.

Ai tha se duke qenë se janë në prag të miratimit të projekt-buxhetit të ri, vendosën që kongresi të shtyhet pas këtij miratimi.

“Kongresi u ngrit për të miratuar vendimet që morëm në asamblenë e Partisë Socialiste sa i takon sekretariatit të ri mbi të gjitha.

Duke qenë se jemi në prag të miratimit të projekt-buxhetit, pse mos ta shtyjmë një muaj në mënyrë që të energjizojmë sa më shumë vendimet që do merren në kongres dhe t’i ndërthurim këto me miratimin e projekt-buxhetit që siç është parashikuar do të bëhet në 7 nëntor. Kështu që e gjitha bëhet për të energjizuar sa më shumë”,-tha deputeti.

LEXONI GJITHASHTU:

• Kryebashkiaku socialist thirret në SPAK, shtyhet marrja në pyetje
• VIDEO| Gruaja në Tiranë dhunon qenin e saj, e qëllon me shqelma në ashensor