Pse u zgjodh Sokol Mjacaj për vrasjen? Gazetari: Ishte i pashpresë…

Siguria në burgjet e vendit u trondit rëndë disa ditë më parë kur i burgosuri me burg përjetë Sokol Mjacaj vrau me armë zjarri brenda burgut të sigurisë së lartë në Peqin të dënuar tjetër përjetë Arbën Lleshi.

Hetimet lidhur me këtë ngjarje të rëndë vijojnë ndërsa një nga pistat që diskutohet është ajo e një vrasjeje të porositur nga jashtë.

Gazetari Eraldi Harlicaj tha në emisionin GoodMorning Albanians se nëse merret e mirëqenë se është një vrasje e organizuar nga jashtë, Sokol Mjacaj ishte profili i duhur i njeriut për ta bërë këtë punë.

Sipas tij, Mjacaj ishte i pashpresë dhe nevoja për të ndihmuar ekonomikisht familjen jashtë mund ta ketë shtyrë ta bëjë këtë krim.

“Nëse marrim të mirëqenë që është vrasje me pagesë, Mjacaj mund të ishte profil interesant për ta bërë këtë punë; ishte një person i pashpresë, kishte hyrë shumë i ri në punë, kishte vrarë dy turistë për grabitje. Edhe lidhjet e mundshme mund të kenë ndikuar, duke qenë se Mjacaj është nga veriu, edhe arsyet ekonomike për të ndihmuar familjen që jetojnë ende në Malësi”, tha gazetari.

LEXONI GJITHASHTU:

• Avokati: Sokol Mjacajt mund t’i hiqet burgu përjetë nëse bashkëpunon me drejtësinë
• Vrasja në burgun e Peqinit, Prokuroria kërkon burg për Sokol Mjacaj dhe 12 zyrtarët